போலீசாரிடம் இருந்து தப்பியோடிய இத்தாலிய குடிமகன் கைது..!!
போலீசாரிடம் இருந்து தப்பியோடிய இத்தாலிய குடிமகன் கைது..!! போலீசார் நிறுத்த முற்பட்ட வேளையில் நிறுத்தாமல் தப்பியோடிய ஓட்டுனர் ஒருவர் தற்போது பிடிபட்டுள்ளதாக வாட் கன்டோனல் போலீசார் அறிவித்துள்ளனர்.
ஜனவரி 27, 2025 திங்கட்கிழமை, மாலை 5:50 மணியளவில், வாட் கன்டோன் (Aigle) ஐகிளில் உள்ள சாப்லாய்ஸ் காவல்துறையினரால் ஒரு ஓட்டுநர் நிறுத்தப்படவிருந்தார். இருப்பினும், ஓட்டுநர் காவல்துறையினரின் தடையை மீறி சோதனையைத் தவிர்க்க முயன்று நிறுத்தாமல் தப்பிச்சென்றார். இதனால் பல வாகனங்களுக்கு குறிப்பிடத்தக்க சேதம் ஏற்பட்டது, இதில் ஒரு போலீஸ் கார் ஒன்றும் உள்ளடங்கும் என்பது குறிப்பிடத்தக்கது.
அதிர்ஷ்டவசமாக, இந்த சம்பவத்தில் யாருக்கும் காயம் ஏற்படவில்லை. வாட் கன்டோனல் காவல்துறை மற்றும் குற்றவியல் காவல்துறையினர், வாலிஸில் உள்ள அவர்களது சக ஊழியர்களின் ஆதரவுடன் மேற்கொண்ட விரிவான விசாரணைகளின் அடிப்படையில், தப்பியோடிய ஓட்டுநர் இறுதியில் அடையாளம் காணப்பட்டார். அவர் வாலிஸில் வசிக்கும் 43 வயது இத்தாலிய குடிமகன் என தெரிவிக்கப்பட்டுள்ளது.
பிப்ரவரி 1 சனிக்கிழமை, வாட் அரசு வழக்கறிஞர் அலுவலகம் பிறப்பித்த சர்வதேச கைது வாரண்டைத் தொடர்ந்து, ஓட்டுநர் பிரெஞ்சு அதிகாரிகளால் கைது செய்யப்பட்டார். மேலும் அவரை சுவிட்சர்லாந்திற்கு நாடு கடத்துவதற்கான நடவடிக்கைகள் இப்போது நடந்து வருகின்றன.
இந்த வழக்கு தொடர்பான விசாரணைகள் இன்னும் நடந்து வருகின்றன, கிழக்கு வாட் மாவட்ட அரசு வழக்கறிஞர் அலுவலகத்தின் வழிகாட்டுதலின் கீழ் குற்றவியல் காவல்துறை மற்றும் போக்குவரத்து நிபுணர்கள் தொடர்ந்து விசாரணையை மேற்கொண்டு வருகின்றமை குறிப்பிடத்தக்கது.
